सिरहा– सरकारले प्रतिबद्धता गरेअनुसार माग पूरा नगरेको भन्दै अनुचित लेनदेन (मिटरब्याज) पीडितले गुनासो गरेका छन्।
सरकारसँग भएको सहमति कार्यान्वयन नभएकाले फेरि आन्दोलन गर्नुपर्ने अवस्था आएको उनीहरूको भनाइ छ।
मिटरब्याज पीडित संघर्ष समितिका संयोजक मनोजकुमार पासवानले सरकारले पटक–पटक सहमति गरे पनि कार्यान्वयनका लागि ठोस् पहल नगरेको आरोप लगाए। उल्टै मिटरब्याज पीडितलाई स्थानीय प्रशासनले दुःख दिने काम गरिरहेको उनको भनाइ छ।
समस्या समाधानको काम प्रभावकारी ढंगले अगाडि नबढाइए फेरि आन्दोलन गर्ने पीडितहरूको चेतावनी छ।