एपीएफलाई पाँचौँ पटक प्रधानमन्त्री कपको उपाधि

बुधबार सम्पन्न फाइनलमा एपीएफले कोशी प्रदेशलाई ११ रनले पराजित गर्दै उपाधि जितेको हो। ११५ रनको लक्ष्य पछ्याएको कोशीले निर्धारित २० ओभरमा ४ विकेट गुमाउँदै १०३ रन मात्र बनायो।

उकालो

बुधबार, १८ पुष, २०८०

एपीएफलाई पाँचौँ पटक प्रधानमन्त्री कपको उपाधि

काठमाडौँ– विभागीय टोली एपीएफले पाँचौँ पटक प्रधानमन्त्री कप महिला राष्ट्रिय क्रिकेट प्रतियोगिताको उपाधि जितेको छ। 

बुधबार सम्पन्न खेलमा एपीएफले कोशी प्रदेशलाई ११ रनले पराजित गर्दै उपाधि जितेको हो। एपीएफले पहिलो पटक सन् २०१६ मा उपाधि जितेको थियो। त्यसपश्चात् २०१७, १८, १९ र २०२१ मा उपाधि जित्न सफल भएको थियो।

बुधबार एपीएफले दिएको ११५ रनको लक्ष्य पछ्याएको कोशीले निर्धारित २० ओभरमा ४ विकेट गुमाउँदै १०३ रन मात्रै बनायो।

कोशीकी कप्तान रुविना क्षेत्री बेलबासेले सर्वाधिक ६२ रन बनाइन्। उनले ५८ बलमा ७ चौका र १ छक्का प्रहार गरिन्। उनले खेलमा दुई पटक जीवनदान पाएकी थिइन्।

यता, काजल श्रेष्ठले २२ रन बनाइन्। उनले २९ बलमा १ चौका प्रहार गरिन्। कोशीका अन्य ब्याटरले भने दोहोरो अंकमा रन बटुल्न सकेनन्।

एपीएफका करुणा भण्डारी र सीता रानामगरले १/१ विकेट लिइन्।

त्यसअघि कीर्तिपुरस्थित त्रिवि क्रिकेट मैदानमा टस जितेर पहिला पहिला ब्याटिङ थालेको एपीएफले निर्धारित २० ओभरमा ७ विकेट गुमाउँदै ११४ रन बनायो।

कोशीकी इन्दु बर्माले सर्वाधिक ५३ रन बनाइन्। उनले ४७ बलमा ६ चौका र १ छक्का प्रहार गरिन्।

ओपनर ज्योति पाण्डेले ३० बलमा ३ चौकासहित २७ रन बनाउँदा रोमा थापाले १४ रन बनाइन्। अन्य ब्याटरको प्रदर्शन भने राम्रो रहेन।

कोशीकी अप्सरी बेगमले सर्वाधिक ३ विकेट लिइन्। अलिसा खडकायतले २ विकेट लिँदा रुविना क्षेत्री र निशा शाहले १/१ विकेट लिइन्।

विजेता एपीएफले पाँच र उपविजेता कोशीले तीन लाख प्राप्त गर्नेछन्।

प्रतिक्रिया दिनुहोस !