अफ्रिकी देश नाइजेरियामा हिंसात्मक आक्रमण हुँदा ११३ जनाको मृत्यु भएको छ।
देशको मध्य भाग पठारमा शनिबार र आइतबार भएका हिंसात्मक आक्रमणमा परी मृत्यु हुनेको संख्या ११३ पुगेको अन्तर्राष्ट्रिय सञ्चार माध्यमले जनाएका छन्।
मेयता पहिलो पटक यस्तो चरम हिंसा देखिएको छ। पठार राज्यका एक वरिष्ठ अधिकारीले शनिबार र आइतबार भएका आक्रमणमा ११३ जनाको मृत्यु भएको बताए।
योजनाबद्ध ढंगले आक्रमण गरिएको उनले बताए। कम्तीमा विभिन्न २० समुदायलाई लुटेराहरूले आक्रमण गरेको समाचार संस्था एएपपीले लेखेको छ।
११३ शव निकालिएको छ भने ३०० भन्दा बढी घाइतेलाई अस्पताल भर्ना गरिएको छ। पठार राज्यमा धेरै जातीय र धार्मिक समुदायका मानिस बस्छन्।
पठार नाइजेरियाको मध्य बेल्ट भनेर चिनिने धेरै जातीय र धार्मिक समुदाय रहेकोमध्ये एक राज्य हो। जहाँ हालैका वर्षमा अन्तर साम्प्रदायिक द्वन्द्वले सयौँको ज्यान लिइसकेको छ।
यसलाई प्रायः मुस्लिम गोठाला र ईसाई किसानबीचको जातीय–धार्मिक द्वन्द्वको रूपमा वर्णन गरिएको छ।