धनगढीबाट काठमाडौँका लागि छुटेको बस नवलपुरमा दुर्घटना: २९ जना घाइते

नवलपरासी– पूर्व–पश्चिम राजमार्गअन्तर्गत नवलपरासीपूर्व नवलपुरको घ्युखोलामा यात्रुबस दुर्घटना हुँदा २९ जना घाइते भएका छन्।

जिल्ला प्रहरी कार्यालय नवलपरासीपूर्व नवलपुरका डीएसपी बेदबहादुर पौडेलका अनुसार धनगढीबाट काठमाडौँका लागि छुटेको सुपप्र०१–००१ख २९८६ नम्बरको बस सडकमै पल्टिएको हो।

विनयी त्रिवेणी गाउँपालिका–२ दाउन्नेस्थित घ्युखोलामा मंगलबार उक्त बस दुर्घटनामा परेको हो। दुर्घटनामा घाइते भएकाहरूको मध्यबिन्दु जिल्ला अस्पताल र दम्किबास स्वास्थ्यचौकीमा उपचार भइरहेको छ।

घाइते सबैको अवस्था खतरामुक्त रहेको डीएसपी पौडेलको भनाइ छ। बसमा ३५ जना यात्रु सवार रहेका जनाइएको छ।