पहिरोले भेरी करिडोर अवरुद्ध

सुर्खेत– भेरी करिडोरअन्तर्गत जाजरकोटको भेरी नगरपालिका–४ बोहरामा पहिरो खसेपछि सडक अवरुद्ध भएको छ।

बिहीबार रातिको पहिरोले सडक पुर्दा पूर्ण रूपमा अवरुद्ध भएको प्रहरीले जनाएको छ।

पहिरोले विद्युत्‌का पोल बगाउँदा विद्युत् सेवा पनि  बन्द भएको जिल्ला प्रहरी कार्यालयका डीएसपी पुरुषोत्तम प्रसाद पाण्डेले जानकारी दिए। 

सडक अवरुद्ध भएपछि बिहानैदेखि साना तथा ठूला सवारीसाधन बीच बाटोमा नै रोकिएका  छन्। पहिरो पन्छाएर सडक सञ्चालनमा ल्याउने प्रयास भइरहेको प्रहरीले जनाएको छ।