कस्तो रहनेछ बिहीबारको मौसम?

काठमाडौँ– नेपालमा पश्चिमी वायुको प्रभाव रहेको छ। 

पहाडी भूभागमा आंशिकदेखि साधारणतया बदली रहेको छ।  तराईका थोरै स्थानमा हुस्सु र कुहिरो लागेको छ।

दिउँसो, गण्डकी, लुम्बिनी, कर्णाली र सुदूरपश्चिममा साधारणतया बदली रहनेछ। यी प्रदेशका केही स्थानमा हल्का वर्षाको सम्भावना पनि रहेको मौसम पूर्वानुमान महाशाखाले जनाएको छ। 

सुदूरपश्चिम, कर्णाली र  गण्डकीको पहाडी तथा हिमाली भूभागका थोरै स्थानमा हल्कादेखि मध्यम हिमपातसमेत हुनेछ। 

यसैगरी, राति पहाडी भूभागमा आंशिकदेखि सामान्य बदली रहनेछ। पहाडी भूभागका एक–दुई स्थानमा हल्का वर्षा र उच्च पहाडी तथा हिमाली भूभागमा हिमपातको सम्भावना छ। 

देशभर अत्यधिक चिसो रहेकाले आवश्यक सतर्कता तथा सावधानी अपनाउन महाशाखाले अनुरोध गरेको छ।