रुसी राष्ट्रपति भ्लादिमिर पुटिनले चीनको शान्ति योजना युक्रेन–रुस युद्ध अन्त्य गर्ने आधारका रूपमा प्रयोग हुनसक्ने बताएका छन्। तर, यसका लागि  युक्रेन र पश्चिमाहरू तयार नरहेको उनको भनाइ छ।

बुधबार छापावाल सुन प्रतितोला एक लाख सात हजार ८०० रुपैयाँमा कारोबार भइरहेको छ।

नेपालगन्जबाट दैलेख गइरहेको ट्रक गुराँस गाउँपालिका–३ तालपोखरीमा दुर्घटना हुँदा ३ जनाको घटनास्थलमा नै मृत्यु भएको छ।

प्रधानमन्त्री दाहालविरुद्ध मंगलबार आक्रोशित युवाहरूले नाराबाजी गरेको घटनालाई लिएर लिङदेनले नागरिकका पक्षमा काम गर्न सुझाएका छन्।

भूकम्पको धक्का पाकिस्तान, भारतको राजधानी नयाँ दिल्ली र उत्तर भारतका विभिन्न ठाउँमा महसुस गरिएको थियो। पाकिस्तानको राजधानी इस्लामाबादमा स्थानीयहरू आधा रातमा घरबाट बाहिर खुलास्थलमा निस्केका थिए।

काठमाडौँ उपत्यकाका सात र उपत्यका बाहिरका १० आंगिक क्याम्पसमा स्ववियु निर्वाचन हुन सकेको छैन। 

बुधबार दिउँसो कोशी, बागमती र गण्डकी प्रदेशमा मेघगर्जन र चट्याङसहित वर्षाको सम्भावना छ। 

जापानका प्रधानमन्त्री फुमियो किशिदा भारतको औपचारिक भ्रमण सकेलगत्तै युक्रेनको राजधानी किभ पुगेका छन्।

कांग्रेस महामन्त्री गगन थापाले शान्ति प्रक्रियाका बाँकी काम 'यो या त्यो' बहानामा लम्ब्याउँदा भविष्यमा जटिल बन्दै जाने बताएका छन्।

पेन्टागनले गरेको अध्ययनले अमेरिकी वायुसेनाका पाइलटमा क्यान्सरको दर उच्च रहेको देखाएको छ। चालक दलका सदस्यमा छालाको क्यान्सरको दर ८७ प्रतिशत र थाइरोइड क्यान्सरको ३९ प्रतिशत पाइएको छ।

एकीकृत समाजवादीले सरकारमा सहभागी हुनेबारे छलफल गर्न पार्टी अध्यक्ष माधव नेपालको नेतृत्वमा तीन सदस्यीय कार्यदल गठन गरेको छ।

उत्तरगंगा जलशययुक्त जलविद्युत् आयोजनाको डीपीआर बनाउने विदेशी कम्पनीले काम नगरेपछि ठेक्का सम्झौता तोडिँदा आयोजना निर्माणमा अन्योल थपिएको छ।

प्रधानमन्त्री पुष्पकमल दाहाल 'प्रचण्ड'विरुद्ध बानेश्वरमा नाराबाजी गर्ने युवालाई प्रहरीले नियन्त्रणमा लिएको छ।

राष्ट्रियसभाका अध्यक्ष गणेशप्रसाद तिमिल्सिनाले संवैधानिक आयोगहरूलाई जागिर खाने थलोको रूपमा विकास गर्न नहुनेतर्फ सचेत गराएका छन्।

उपसभामुख इन्दिरा रानाले नेपालमा आणविक कानूनको आवश्यकता रहेको बताएकी छन्।

दशरथ रंगशालामा हुने प्रतियोगितामा नेपालसहित भुटान र लाओसको सहभागिता छ। फाइनल खेल चैत १७ गते हुनेछ।

प्रधानमन्त्री दाहालले गोरखा– २ स्थित पन्थहिटी–कटहरे–हर्मी हुँदै साहिलटार जोड्ने २० मिलोमिटर सडक स्तरोन्नती कार्यको शिलान्यास गरेका हुन्। 

नेपाली सेनाले औपचारिक कार्यक्रम गरेर घोडेजात्रा मनाएको छ। नेपाली सेनाले काठमाडौँस्थित सैनिक मञ्च टुँडिखेलमा औपचारिक कार्यक्रम गरेर घोडेजात्रा मनाएको हो। घोडेजात्रा समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल, राष्ट्रियसभा अध्यक्ष गणेशप्रसाद तिमिल्सिना, नेपाल सरकारका मन्त्रीहरू, कर्मचारी प्रशासनका पदाधिकारीहरू, विभिन्न सुरक्षा निकायका प्रमुखहरू लगायत राज्यका विभिन्न निकायका प्रमुख तथा प्रतिनिधिको उपस्थिति रहेको थियो। समारोहमा नेपाली सेनाले विभिन्न खेल तथा कला, कौशल प्रस्तुत गरेको थियो। साथै समारोहमा नृत्यसमेत प्रस्तुत गरिएको थियो।

राष्ट्रिय सरोकार तथा समन्वय समितिको बैठकमा सांसदहरूले सन् १९५० को नेपाल–भारत शान्ति तथा मैत्री सन्धिको पुनरावलोकन गर्नुपर्ने माग राखेका छन्।

तीन दिने रुस भ्रमणमा रहेका चिनियाँ राष्ट्रपति सी चिनफिङले रुससँगको सम्बन्ध एकीकृत र विकसित गर्नु चीनको रणनीतिक छनोट भएको बताएका छन्।