गठबन्धनको बैठक निष्कर्षविहीन, ३ बजे पुनः बस्ने

काठमाडौँ– मन्त्रालय भागबन्डा टुंग्याउन बसेको सत्ता गठबन्धन दलको बैठक निष्कर्षविहीन भएको छ। 

प्रधानमन्त्री निवास बालुवाटारमा बसेको बैठकमा दलहरूले आ–आफ्नो अडान नछाडेपछि सहमति हुन नसकेको हो।

बुधबार बिहान बसेको बैठकमा सरकार विस्तारबारे छलफल भएको तर सहमति हुन नसकेको लोसपाका नेता शरदसिंह भण्डारीले बताए।

साढे २ घण्टा बसेको बैठकमा दलहरूले मन्त्रालयमा पुरानै अडान कायम राखेका थिए। दिउँसो ३ बजे बस्ने गरी बैठक सकिएको उनको भनाइ छ।

उक्त बैठकमा थप छलफल गरेर सहमतिमा पुग्न प्रयास गरिने नेता भण्डारीको भनाइ छ।