एसियन गेम्स छनोट : नेपाली महिला टोलीले आज चीनसँग खेल्दै

काठमाडौँ– नेपाली महिला क्रिकेट टोलीले एसियन गेम्स महिला क्रिकेट छनोटअन्तर्गत आज चीनसँग खेल्दैछ। खेल मलेसियाको क्वालालम्पुरमा नेपाली समयअनुसार बिहान ११:४५ बजे शुरू हुनेछ।

नेपाल र चीन समूह ‘बी’ मा रहेका छन्। चीनले आफ्नो पहिलो खेलमा जित निकाल्दै २ अंक जोडिसकेको छ भने नेपाल आजको खेलबाट प्रतियोगिताको शुरूआत गर्दैछ।

समूह ‘बी’ को अंक तालिकामा चीन १ खेलबाट २ अंकसहित शीर्षस्थानमा छ। नेपालले भने पहिलो खेल खेल्न लागेको हो।