४ हजार ४ सय रूपैयाँले बढ्यो सुनको मूल्य

काठमाडौँ- नेपाली बजारमा मंगलबार सुनको मूल्य बढेको छ। नेपाल सुनचाँदी व्यवसायी महासंघका अनुसार सुनको मूल्य प्रतितोला ४ हजार ४ सय रूपैयाँले बढेको हो।

आज सुन प्रतितोला ३ लाख २ हजार ९ सय रूपैयाँमा कारोबार भइरहेको छ। सोमबार सुन प्रतितोला २ लाख ९८ हजार ५ सय रूपैयाँमा कारोबार भएको थियो। 

त्यस्तै, मंगलबार चाँदीको मूल्य पनि बढेको छ। चाँदी प्रतितोला ३ सय ५५ रुपैयाँले बढेर ५ हजार ६ सय ९५ रूपैयाँमा कारोबार भइरहेको छ। सोमबार प्रतितोला ५ हजार ३ सय ४० रूपैयाँमा कारोबार भएको थियो।