दीपेन्द्रको शतकमा नेपालले यूएईलाई दियो २९० रनको लक्ष्य

काठमाडौँ- आईसीसी क्रिकेट विश्वकप लिग–२ अन्तर्गत भइरहेको खेलमा नेपालले यूएईलाई २९० रनको लक्ष्य दिएको छ। 

कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको नेपालले ५० ओभरमा ७ विकेट गुमाएर २८९ रन बनाएको हो। नेपालका लागि दीपेन्द्रसिंह ऐरीले सर्वाधिक १०० रन बनाए। ९४ बल खेलका उनले १३ चौका १ छक्का प्रहार गरे। 

त्यस्तै, ओपनर ब्याटर विनोद भण्डारीले ५६,  गुल्शन झाले ४४ र कप्तान रोहित पौडेलले ३९ रन बनाए। यूएईका लागि जुनेद सिद्दिकीले सर्वाधिक ४ विकेट लिए । अजय कुमारले २ विकेट लिए भने हैदर अलि र खुजाइमा तनभीरले समान १-१ विकेट लिए।