आईसीसी विश्वकप लिग–२ : नेपाल आज ओमानसँग प्रतिस्पर्धा गर्दै

काठमाडौँ- आईसीसी क्रिकेट विश्वकप लिग–२ अन्तर्गत नेपाल, यूएई र ओमानबीच जारी एक दिवसीय शृंखलामा नेपालले आज आफ्नो दोस्रो खेल खेल्दैछ। नेपालले आजको खेलमा ओमानसँग प्रतिस्पर्धा गर्न लागेको हो। खेल बिहान साढे ९ बजेदेखि कीर्तिपुरस्थित त्रिवि क्रिकेट मैदानमा शुरू हुनेछ। घरेलु मैदानमा हुने यस खेललाई लिएर नेपाली समर्थकहरू उत्साहित छन्।

यसअघि आफ्नो पहिलो खेलमा नेपालले यूएईलाई पराजित गर्दै शृंखलामा सुखद शुरूआत गरेको थियो। नेपालले उत्कृष्ट प्रदर्शन गर्दै महत्वपूर्ण दुई अंक हात पारेको थियो। ओमानले भने आफ्नो पहिलो खेलमा यूएईसँग हार बेहोरेको थियो। त्यसैले आजको खेल ओमानका लागि पुनरागमनको अवसरका रूपमा रहेको छ भने नेपाल लगातार दोस्रो जित निकाल्ने लक्ष्यमा हुनेछ।

लिग–२ को अंकतालिकामा नेपाल २१ खेलबाट १४ अंक जोडेर सातौं स्थानमा रहेको छ। ओमान भने २५ खेलमा २९ अंकसहित तेस्रो स्थानमा रहेको छ। नेपालका लागि शीर्ष टोलीहरूसँगको प्रतिस्पर्धामा स्थान सुधार गर्न आजको खेल निकै महत्वपूर्ण मानिएको छ।