नेप्से परिसूचकमा सामान्य सुधार, ४ अर्ब ७४ करोडको कारोबार

काठमाडौँ– मंगलबार नेप्से परिसूचक ७.७३ अंकले बढेर २,७९६.४३ बिन्दुमा कायम भएको छ।

आज ३५१ कम्पनीको एक करोड ९ लाख २८ हजार ६१७ कित्ता शेयर ८१ हजार ६ पटक खरिदबिक्री हुँदा चार अर्ब ७४ करोड ८८ लाख नौ हजार १२७ रुपैयाँ बराबरको कारोबार भएको छ।

आजको कारोबारमा जलविद्युत् ०.१९, लगानी ०.२८, म्युचुअल फन्ड ०.०७, व्यापार १.३९ र अन्य समूह ०.४४ प्रतिशतले घटेका छन्। त्यसबाहेकका अन्य सबै समूहको उपसूचकमा वृद्धि देखिएको छ।

वृद्धि भएका समूहहरूमध्ये उत्पादन तथा प्रशोधन १.५२ प्रतिशत र विकास बैंक १.१४ प्रतिशतले बढेका छन्। त्यस्तै, बैंकिङ ०.६८, वित्त ०.४४, होटल तथा पर्यटन ०.९७, जीवन बीमा ०.१३, लघुवित्त ०.२९ र निर्जीवन बीमा ०.१५ प्रतिशतले बढेका छन्।

आजको बजारमा कर्पोरेट डेभलपमेन्ट बैंक, पाल्पा सिमेन्ट इन्ड्रस्टिज र शिखर पावर डेभलपमेन्टको शेयर मूल्यमा सकारात्मक सर्किट लागेको छ। यता, निफ्रा ग्रिन इनर्जी डिबेन्चरको शेयर मूल्य भने सर्वाधिक १४.०१ प्रतिशतले घटेको छ।