तोलामा ३ हजार ७०० रुपैयाँले बढ्यो सुन

काठमाडौँ– नेपाली बजारमा सुनचाँदीको मूल्य बढेको छ। सोमबारको तुलनामा मंगलबार दुवै धातुको मूल्य बढेको हो।

नेपाल सुनचाँदी व्यवसायी महासंघका अनुसार एक तोला छापावाल सुनको मूल्य २ लाख ९० हजार ३०० र  त्यति नै परिमाणको चाँदीको मूल्य ५ हजार ३३५ रुपैयाँ कायम भएको छ।

सोमबार एक तोला छापावाल सुन २ लाख ८६ हजार ६०० र एक तोला चाँदी ५ हजार २०० रुपैयाँमा खरिदबिक्री भएको थियो। यो मूल्य अघिल्लो दिनको तुलनामा प्रतितोला ३ हजार ७०० रुपैयाँ बढी हो।

अन्तर्राष्ट्रिय बजारमा एक औँस सुन ४ हजार ६८७ र त्यति नै परिमाणको सेतो धातु ८० अमेरिकी डलरमा कारोबार भइरहेको छ।