तोलामा २ हजार ९०० रुपैयाँ घट्यो सुन

काठमाडौँ– स्थानीय बजारमा सुनचाँदीको मूल्यमा केही कमी आएको छ। बुधबारको तुलनामा आज प्रतितोला सुन २ हजार ९०० र चाँदी ५० रुपैयाँले घटेको हो।

छापावाल सुनको मूल्य तोलामा २ लाख ९२ हजार २०० त्यति नै चाँदी ५ हजार ८७० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। 

बुधबार एक तोला छापावाल सुनको मूल्य २ लाख ९५ हजार १०० र त्यति नै चाँदीको मोल ५ हजार ९२० रुपैयाँ कायम भएको थियो। मंगलबार सुन २ लाख ८४ हजार ७०० र चाँदी ५ हजार ८८० रुपैयाँमा कारोबार भएको थियो।

अन्तर्राष्ट्रिय बजारमा आज एक औँस सुन ४ हजार ६९५ र त्यति नै परिमाणको चाँदी ९५ अमेरिकी डलरमा कारोबार भइरहेको छ।