जनकपुर– भारतमा हुन गइरहेको लोकसभा निर्वाचनका कारण जनकपुर–जयनगर रेलसेवा शनिबारदेखि तीन दिन बन्द हुने भएको छ।
नेपाल रेल्वे कम्पनी लिमिटेडका प्रबन्ध सञ्चालक निरञ्जनकुमार झाले जेठ ७ गतेसम्म रेलसेवा पूर्ण रूपमा बन्द रहने जानकारी दिएका हुन्।
भारतको बिहार राज्यको मधुबनी जिल्लामा जेठ ७ गते लोकसभा निर्वाचन हुँदै छ। सुरक्षा संवेदनशीलतालाई ध्यान दिँदै सीमा जिल्ला समन्वय समितिको निर्णयमा रेल्वे सेवा बन्द गर्न लागिएको झाले बताए।