काठमाडौँ– म्यानचेस्टर सिटी इंग्लिस प्रिमियर लिगको शीर्ष स्थानमा उक्लिएको छ।
शनिबार राति सिटीले घरेलु टोली फुलहामलाई ४-० ले पराजित गर्दै उपाधि दाबेदारी बलियो बनाएको हो।
सिटीको जितमा जोस्को ग्वार्डीओलले २ तथा फिल फोडेन र जुलियन अल्भारेजले १-१ गोल गरे।
जितपछि सिटीको ३६ खेलमा ८५ अंक पुगेको छ। दोस्रो स्थानको आर्सनलको समान खेलमा ८३ अंक छ। लिगमा बाँकी दुई खेलमा जित हासिल गरे सिटीले उपाधि जित्नेछ।