काठमाडौँ– विश्वकप छनोटअन्तर्गत बहराइनसँगको दोस्रो खेलमा पनि नेपाल पराजित भएको छ। मंगलबार राति भएको खेलमा नेपाल ३–० ले पराजित भएको हो।
घरेलु टोलीलाई सहज जित दिलाउन सायेद महदी बाकेर, अब्दुल्लाह युसुफ र कोमाइल इलसवाद १–१ गोल गरे। सबै गोल पहिलो हाफमा भएका थिए।
यसअघि पहिलो खेलमा बहराइनसँग नेपालले ५–० को हार बेहोरेको थियो। नेपाल ४ खेलमा अंकविहीन रहँदै समूहको पुछारमा छ।
यूएई १२ अंकसहित समूहको शीर्ष स्थानमा छ। ९ अंक रहेको बहराइन दोस्रो र यमन ३ अंकसहित तेस्रो स्थानमा छन्।