धनकुटामा भतिजाले गरे काकाको हत्या

धनकुटा– छथर जोरपाटी गाउँपालिका–३ गैरीगाउँका तेजबहादुर लिम्बूले ६२ वर्षीय भगिश्वर लिम्बूको हत्या गरेका छन्। 

बुधबार बिहान घरमै बसिरहेका भगिश्वरलाई तेजबहादुरले धारिलो हतियारले घाँटीमा प्रहार गरेको प्रहरीले जनाएको छ। भगिश्वर नाताले तेजबहादुरको काका पर्छन्।

घटनापछि स्थानीय पुग्दा भगीश्वरको मृत्यु भइसकेको प्रहरीको भनाइ छ। तेजबहादुरलाई पक्राउ गरेर थप अनुसन्धान थालिएको धनकुटाका एसपी लक्ष्मिराज अधिकारीले जानकारी दिए।