आचारसंहिता उल्लंघनमा वडाध्यक्षलाई जरिवाना

काठमाडौँ— निर्वाचन आयोगले काठमाडौँ महानगर- १६ का वडाध्यक्ष मुकुन्द रिजाललाई आचारसंहिता उल्लंघनमा पाँच हजार रुपैयाँ जरिवाना गरेको छ । 

वडाअध्यक्ष रिजाल आचारसंहिताविपरीत काठमाडौँ- ६ मा नेपाली कांग्रेसको प्रचारप्रसारमा संलग्न भएको पाइएपछि जरिवाना गराएको हो । कांग्रेसको प्रचारप्रसारमा संलग्न भई फेसबुक पेजमार्फत फोटो सार्वजनिक गरेको पाइएको थियो । 

रिजालले निर्वाचन आचारसंहिताको दफा ५ खण्ड (क) प्रतिकूल हुनेगरी कार्य पुष्टि भएकाले निर्वाचन आयोग ऐनको दफा २३ को बमोजिम जरिवाना गरिएको आयोगले जनाएको छ ।