त्रिभुवन विमानस्थल बिहीबार राति १ बजेदेखि ७ घण्टा बन्द हुने

विमानस्थलमा अनलाइन यूपीएस जडान गर्नका लागि आन्तरिक र अन्तर्राष्ट्रिय दुवै उडान बन्द गर्न लागिएको हो।  

काठमाडौँ– त्रिभुवन अन्तर्राष्ट्रिय विमानस्थलबाट बिहीबार राति १ बजेदेखि बिहान ७ बजेसम्म उडान र अवतरण नहुने भएको छ।

विमानस्थलमा अनलाइन यूपीएस जडान गरिने भएकाले आन्तरिक र अन्तर्राष्ट्रिय दुवै उडान रोकिएको विमानस्थलका महाप्रबन्धक प्रतापबाबु तिवारीले जानकारी दिए। यसक्रममा विमानस्थलमा विद्युत् अवरुद्ध हुने छ।

विद्युत् आपूर्ति प्रणालीलाई थप सुदृढीकरण गर्ने यूपीएस जडान गर्न लागिएको उनले विज्ञप्तिमार्फत जनाएका छन्।