प्रधानमन्त्री दाहाल र जर्मन राजदूतबीच भेटवार्ता

काठमाडौँ–  प्रधानमन्त्री पुष्पकमल दाहाल ‘प्रचण्ड’सँग नेपालका लागि जर्मन राजदूत थ‍ोमस प्रिन्सले भेट गरेका छन्।

बिहीबार दिउँसो प्रधानमन्त्री तथा मन्त्रिपरिषद्को कार्यालय सिंहदरबारमा पुगेर प्रधानमन्त्री दाहाललाई भेटेका हुन्। भेटमा प्रधानमन्त्री दाहालले जर्मन सरकारको सहयोगमा सञ्चालित आयोजनाले नेपालको विकास र समृद्धिमा महत्त्वपूर्ण योगदान पुर्‍याएको बताए।

प्रधानमन्त्रीले सामाजिक न्याय, सुशासन र समृद्धि आफ्नो सरकारको प्राथमिकता रहेकाले अन्तर्राष्ट्रिय समुदायको पूर्ण सहयोग रहने विश्वास व्यक्त गरे। नेपाल असंलग्न परराष्ट्र नीतिमा दृढ रहेको र अन्तर्राष्ट्रिय समुदायसँग समान कूटनीतिक सम्बन्ध रहने उनको भनाइ थियो। सरकार शान्ति प्रक्रियाको पूर्णता, दिगो आर्थिक विकास र सामाजिक सुरक्षा लागू गर्न प्रभावकारी रूपमा लागिपर्ने प्रधानमन्त्री दाहालले स्पष्ट पारे।

भेटमा राजदूत प्रिन्सले संसद्‍बाट झन्डै शतप्रतिशत मतका साथ विश्वासको मत प्राप्त गरेको भन्दै प्रधानमन्त्री दाहाललाई बधाई दिए। नेपालको पूर्वाधार विकास र समृद्धिका क्षेत्रमा जर्मन सरकारको पूर्ण रहने राजदूत प्रिन्सले प्रतिबद्धता जनाए।