प्रधानमन्त्रीलाई मत दिने कांग्रेसको निर्णयमा दुई महामन्त्रीसहित ५ सांसदको असहमति

काठमाडौँ- प्रधानमन्त्री पुष्पकमल दाहाललाई विश्वासको मत दिने पार्टीको निर्णयमा नेपाली कांग्रेसका महामन्त्री गगनकुमार थापा र विश्वप्रकाश शर्मासहित ५ सांसदले लिखित असहमति जनाएका छन्। 

मंगलबार बिहान पार्टी सभापति शेरबहादुर देउवाको निवास धुमबराहीमा बसेको पदाधिकारी बैठक र बानेश्वरस्थित संसद् भवनमा बसेको केन्द्रीय कार्यसम्पादन समितिको बैठकमा महामन्त्रीसहित ५ सांसदले पार्टी निर्णयमा लिखित असहमति जनाएका हुन्।

असहमति जनाउने अन्य ३ सांसदमा अर्जुननरसिंह केसी, प्रकाशमान सिंह र प्रदीप पौडेल रहेको छन्। 

नेपाली कांग्रेसले प्रधानमन्त्रीलाई विश्वासको मत दिने निर्णय गरेपछि उनीहरूले असहमति जनाएका हुन्।