रुसी दूतावासअगाडि शान्ति समाजको प्रदर्शन

काठमाडौँ– काठमाडौँस्थित रुसी दूतावासअगाडि युक्रेनमाथिको आक्रमण तत्काल रोकी शान्ति वार्तामा आउन रुसलाई आह्वान गर्दै मानवअधिकार तथा शान्ति समाजले शान्तिपूर्ण प्रदर्शन गरेको छ। समाजले रुसी दूतावासमार्फत राष्ट्रपति भ्लादिमिर पुटिनलाई पत्र पठाउँदै तत्काल युद्ध रोकेर शान्ति कायम गर्न आग्रह गरेको छ। समाजको केन्द्रीय सभापति रामकृष्ण बरालको नेतृत्वमा भएको प्रदर्शनमा मानव अधिकारकर्मी कृष्ण पहाडी, समाजका पूर्वसभापति उत्तर पुडासैनी लगायतका अधिकारकर्मीहरूको उपस्थिति रहेको थियो। रुसले छिमेकी राष्ट्र युक्रेनमाथि आक्रमण गरेको बिहीबार ५०५औँ दिन भएको छ। २०२२ फेब्रुअरी २४ मा नेटोसँग सम्बन्धनजिक बनाएको भन्दै रुसले युक्रेनमाथि सैन्य कारबाही शुरू गरेको थियो। तस्वीर–फोटो लाइब्रेरी

उकालो