तान्जेनियामा मुसलधारे वर्षापछि आएको बाढीमा परी कम्तीमा १५५ जनाको मृत्यु भएको छ। वर्षाका कारणका कारण अन्य २३६ जना घाइते भएको प्रधानमन्त्री कासिम मजालिवाले बिहीबार संसद्लाई जानकारी गराएका छन्।
मजालिवाका अनुसार तान्जानियाको मुख्य क्षेत्रका २६ इलाकामध्ये १४ इलाकामा आकस्मिक बाढी आएको थियो। जसका कारण दुई लाख मानिस प्रभावित भएका छन्। उनले १० हजार घरमा क्षति पुगेको पनि सदनलाई जानकारी गराए।
बाढीका कारण विद्यालयका पूर्वाधार, कृषिबाली, सडक, पुल, स्वास्थ्य संस्था क्षति पुग्नुका साथै पशुचौपायालाई बाढीले बगाएको उनले बताए।
मजालिवाका अनुसार बाढीबाट अति प्रभावित क्षेत्रका विद्यालय बन्द गर्न आदेश दिनेजस्ता थप विपत्तिपूर्ण अवस्था आउन नदिन सरकारले कदम चालेको छ।
“तान्जानिया राष्ट्रिय सडक सञ्जाल, तान्जानिया ग्रामीण र शहरी सडक निकाय, र तान्जानिया रेलवे कर्पोरेसनलाई क्षतिग्रस्त सडक र रेलवेको तत्काल जीर्णोद्धारका लागि मूल्यांकन गर्न आदेश दिइएको छ,” उनले भने।
तान्जानियाको मौसम विज्ञान प्राधिकरणका अनुसार अल–निनोको अवस्थाबाट प्रभावित भारी वर्षा मे महिनासम्म रहने अनुमान गरिएको छ।