सल्लेरी– सोलुखुम्बुको नेचासल्यान गाउँपालिका–२ देउपुजेको जंगलमा लागेको डढेलो बस्तीमा फैलिँदा पाँच घर जलेका छन्।
गाईखर्क सामुदायिक वनमा लागेको डढेलो बस्तीमा छिर्दा स्थानीय धनेश्वर राई, केशव राई, शक्ति राई, धनशेर राई र कबिर राईको घर जलेको प्रहरी निरीक्षक रामचन्द्र साहले बताए।
आगलागीबाट ५३ लाख रुपैयाँ बराबरको क्षति भएको प्रहरीको प्रारम्भिक अनुमान छ।
“खरबारीबाट सल्किएको आगो जंगलमा फैलिएको रहेछ। प्रहरी र स्थानीयले निभाउने प्रयत्न गर्दा नजिकैको बस्तीमा प्रवेश गरेर घटना हुन पुग्यो,” उनले भने, “बस्तीको आगो निभाइयो तर वनको आगो निभाउन सकिएको छैन।”