निर्वाचनको समीक्षा गर्न सत्ता गठबन्धनको बैठक बस्दै

काठमाडौँ– प्रदेश तथा प्रतिनिधिसभा निर्वाचनको समीक्षा गर्न सत्ता गठबन्धनको बैठक आज बस्दै छ।

बैठक दिउँसो ३ बजे प्रधानमन्त्री निवास बालुवाटारमा बोलाइएको छ। चुनावको परिणामबारे समीक्षा र नयाँ सरकार गठनको सम्भावना र गठबन्धनको भावी रणनीतिबारे छलफल हुने कांग्रेस प्रवक्ता डा‍. प्रकाशसरण महतले जानकारी दिए।

यसअघि शनिबार र आइतबार गठबन्धनको प्रमुख घटक माओवादी केन्द्रको बैठक बसेको थियो। गठबन्धनमा कांग्रेस, माओवादी केन्द्र, एकीकृत समाजवादी, लोकतान्त्रिक समाजवादी पार्टी नेपाल र राष्ट्रिय जनमोर्चा छन्।