सात लघुबीमा कम्पनीले पाए सञ्चालन अनुमति

काठमाडौँ– नेपाल बीमा प्राधिकरणले सातवटा लघुबीमा कम्पनीलाई सञ्चालनका लागि लाइसेन्स दिएको छ। सञ्चालन अनुमतिका लागि परेका ३१ आवेदनमध्ये प्राधिकरणले तीनवटा जीवन बीमा र चारवटा निर्जीवन बीमा कम्पनीलाई लाइसेन्स दिएको हो। 

प्राधिरकणले हरेक प्रदेशमा १/१ वटाका दरले ७ वटा कम्पनीलाई छनोट गरिएको जनाएको छ। जसअन्तर्गगत लघु जीवन बीमातर्फ प्रदेश १ विराटनगरको गार्डियन माइक्रोलाइफ इन्स्योरेन्स, कर्णाली प्रदेशको क्रेष्ट माइक्रोलाइफ इन्स्योरेन्स र गण्डकीको लिवर्टी माइक्रोलाइफ इन्स्योरेन्सले लाइसेन्स पाए।

निर्जीवन बीमातर्फ लुम्बिनी प्रदेशको ट्रष्ट माइक्रो इन्स्योरेन्स,  बागमती प्रदेशको नेपाल माइक्रो इन्स्योरेन्स, मधेश प्रदेशको स्टार माइक्रो इन्स्योरेन्स र सुदूरपश्चिमको प्रोटेक्टिभ माइक्रो इन्स्योरेन्सले छनोट गरिएको प्राधिकरणले जनाएको छ। लघुबीमा कम्पनीको चुक्ता पुँजी ७५ करोड रुपैयाँ तोकिएको छ।