नवलपरासीमा मोटरसाइकल दुर्घटना: १ जनाको मृत्यु, २ गम्भीर

मध्यविन्दु– पूर्व–पश्चिम राजमार्गअन्तर्गत नवलपरासी (बर्दघाट सुस्तापूर्व)को कावासोती नगरपालिका–१६ डण्डा बजारमा मोटरसाइकल दुर्घटना हुँदा एक जनाको मृत्यु भएको छ। दुर्घटनामा दुई जना गम्भीर घाइते भएका छन्।  

शुक्रबार राति डण्डाबाट कावासोतीतर्फ जाँदै गरेको ना४३प ३४३६ नंको  मोटरसाइकललाई नम्बर नखुलेको सवारीसाधनले ठक्कर दिएको थियो। ठक्करबाट गम्भीर घाइते भएका तीन जनामध्ये एक जनाको उपचारको क्रममा मृत्यु भएको डीएसपी मधु नेपालले बताए।   

मृत्यु हुनेमा मोटरसाइकल चालक कावासोती–१६ गैडाचोकका ४२ वर्षीय हीराबहादुर परियार रहेका छन्। मोटरसाइकल पछाडि सवार कावासोती–३ की ३२ वर्षीया सुनिता जोहार्जा र कावासोती–१४ का २४ वर्षीया मीना मगरको मध्यविन्दु प्रादेशिक अस्पताल डण्डामा उपचार भइरहेको छ।