मकवानपुरमा एकै परिवारका ६ जना पहिरोले बगायो, १ को मृत्यु

काठमाडौँ– मकवानपुरको बागमती गाउँपालिका–५ सिक्रेदोभानमा पहिरोले बगाएर एक जनाको मृत्यु भएको छ। पाँच जना बेपत्ता भएका छन्।

वडाध्यक्ष विजयकुमार भ्लोनका अनुसार गएरातिको पहिरोमा परेर घरमा सुतिरहेका एकै परिवारका ६ जनालाई पहिरोले बताएको थियो। त्यसमध्ये सञ्चमाया स्याङ्तानलाई स्थानीयले खोजी गर्ने क्रममा घाइते अवस्थामा भेटेका थिए।

उनको उपचारका लागि अस्पताल लैजाने क्रममा मृत्यु भएको हो। बेपत्ताको खोजी भइरहेको र उनीहरूको परिचय खुल्न बाँकी रहेको वडाध्यक्ष भ्लोनले बताए।

“वर्षा रोकिएको छैन। बेपत्ताको खोजी गर्न कठिनाइ भइरहेको छ,” उनले भने, “अरू केही घर पनि जोखिममा छन्।”