जुम्लामा आगजनी गरेको आशंकामा १० जना पक्राउ

जुम्ला– गुठीचौर गाउँपालिका र चन्दननाथ नगरपालिकाका विभिन्न स्थानमा भएका आगजनीमा संलग्न भएको आशंकामा प्रहरीले १० जनालाई नियन्त्रणमा लिएको छ।

जिल्ला प्रहरी कार्यालय जुम्लाका सूचना अधिकारी धर्मराज जोशीका अनुसार आगजनीमा संलग्न भएको आशंकामा उनीहरूलाई पक्राउ गरेर अनुसन्धान शुरू गरिएको हो।

प्रहरीले पक्राउ परेकाको नाम भने सार्वजनिक गरेको छैन। शनिबार राति साढे २ बजेतिर गुठीचौरमा छ वटा घर, एक ट्याक्टर र  चन्दननाथ नगरपालिकामा एक घरमा अज्ञात समूहले आगजनी गरेको थियो।

गुठीचौर गाउँपालिकाका अध्यक्ष दानबहादुर बुढाका अनुसार धवलपुर गाउँमा दुई, बाउली गाउँमा एक, ढुडाखोजमा एक, माथिल्लो देहारजिबुरमा एक र खल्ला वडामा दुई गरी सात घरमा आगजनी भएको थियो।