आजको मौसमः आंशिक बदलीसँगै छिटफुट वर्षाको सम्भावना

काठमाडौँ- आज देशका पहाडी भूभागमा आंशिक बदली रहने तथा बाँकी भूभागको मौसम सफा रहने जल तथा मौसम विज्ञान विभागले जनाएको छ। 

त्यस्तै, प्रदेश १ तथा गण्डकी प्रदेशका पहाडी भूभागका एक-दुई स्थानमा दिउँसो हल्का वर्षा सम्भावना रहेको विभागले जनाएको छ। 

राती भने प्रदेश १, गण्डकी प्रदेश र कर्णाली प्रदेशका केही भूभाग आंशिक बदली हुने र प्रदेश १ र गण्डकी प्रदेशका पहाडी भूभागका एक-दुई स्थानमा हल्का वर्षाको सम्भावना रहेको विभागले जनाएको छ।

त्यसबाहेक देशका अधिकांश भूभागको मौसम सफा रहने विभागले प्रकाशित गरेको विज्ञप्तिमा उल्लेख छ।