नवनिर्वाचित उपराष्ट्रपति यादवले शपथ लिँदै

काठमाडौँ- नवनिर्वाचित उपराष्ट्रपति रामसहायप्रसाद यादवले आज पद तथा गोपनीयताको शपथ लिने भएका छन्। 

उपराष्ट्रपति यादवले राष्ट्रपति रामचन्द्र पौडेलसमक्ष सोमबार (आज) बिहान १० बजे राष्ट्रपति भवन शीतल निवासमा शपथ लिनेछन्। 

यादव यही चैत ३ मा उपराष्ट्रपति पदमा निर्वाचित भएका थिए। निर्वाचनमा यादवले ३० हजार ३२८ मतभारप्राप्त गरेका थिए। 

निवर्तमान उपराष्ट्रपति नन्दबहादुर पुनको कार्यकाल यही चैत ३ मा सकिएको छ।