रास्वपाले गर्‍यो प्रदेश समिति बिस्तार

काठमाडौँ– राष्ट्रिय स्वतन्त्र पार्टी (रास्वपा) प्रदेश समिति बिस्तार गरेको छ। पार्टीले सातमध्ये ६ वटा प्रदेशको सभापतिको नाम सार्वजनिक गरेको हो।

बागमतीको प्रदेश सभापतिमा डा. अचुतम लामिछाने, गण्डकीमा राजन गौतम, लुम्बिनीमा देवराज पाठक, कर्णालीमा धीरजबहादुर वली र सुदूरपश्चिममा प्रकाश विष्ट सभापतिमा चुनिएका हुन्।

फागुन सात गते पार्टीको केन्द्रीय समितिको बैठकले देशभर संगठन विस्तार गर्ने निर्णय गरेको थियो। चैतसम्म जिल्ला समिति गठन र आगामी जेठ मसान्तसम्म पालिका र वडास्तरीय समितिहरू गठन गर्ने निर्णय रास्वपाले गरेको छ।