प्रदेश १ मा मेघ गर्जनसहित वर्षाको सम्भावना

काठमाडौँ– हाल देशमा पश्चिमी वायुको प्रभाव रहेको मौसम पूर्वानुमान महाशाखाले जनाएको छ।

जसको प्रभावले प्रदेश १ र गण्डकीको मौसम आंशिक बदली भएको छ। प्रदेश १, बागमती र गण्डकीका पहाडी भागमा आंशिक बदली रही बाँकी स्थानको मौसम सामान्यतया सफा रहने महाशाखाले जनाएको छ।

प्रदेश १ को पहाडी भागमा मेघ गर्जन र चट्याङसहित वर्षाको सम्भावना छ। यस्तै प्रदेश १, बागमती र गण्डकीका उच्च पहाडी तथा हिमाली क्षेत्रमा हिमपातसमेत हुने महाशाखाको अनुमान छ। राति प्रदेश १ र गण्डकीमा सामान्य बदली रही बाँकी भागको मौसम सफा रहने छ।

यी दुई प्रदेशमा राति पनि हिमपात हुनसक्ने महाशाखाले अनुमान गरेको छ।