तराईमा बिहानैदेखि हुस्सु, प्रदेश १ मा हिमपातको सम्भावना

काठमाडौँ– हाल देशमा पश्चिमी वायुको आंशिक प्रभाव रहेका कारण तराईका धेरै स्थानमा हुस्सु र कुहिरो लागेको छ।

मौसम पूर्वानुमान महाशाखाका अनुसार दिउँसो प्रदेश १, बागमती र गण्डकी प्रदेशमा आंशिक बदली हुने सम्भावना छ। प्रदेश १ को उच्च पहाडी र हिमाली भागमा हल्का हिमपातसमेत हुने सम्भावना छ। बाँकी स्थानको मौसम सामान्यतया सफा रहने महाशाखाले जनाएको छ। राति देशका पहाडी भूभागमा आंशिक बदली हुने सम्भावना छ।

हिमपात हुने र हुस्सु लाग्ने स्थानको जनजीवन, स्वास्थ्य, सडक तथा हवाई यातायात प्रभावित हुने सम्भावना रहेकाले सतर्कता अपनाउन महाशाखाले अनुरोध गरेको छ।