आजको माैसम: तराईमा हुस्सु, उच्च पहाडमा हिमपातको सम्भावना

काठमाडौँ– हाल देशमा पश्चिमी न्यूनचापीय प्रणालीको  प्रभाव कायमै छ।

जसले सुदूरपश्चिम, कर्णाली, लुम्बिनी, गण्डकी, बागमती र प्रदेश १ का हिमाली भागमा आंशिकदेखि सामान्य बदली छ। पूर्वी तथा मध्य तराईका केही स्थानमा हुस्सु/कुहिरो लागेको छ।   

दिउँसो सुदूरपश्चिम, कर्णाली गण्डकी, बागमती र प्रदेश १ का उच्च पहाडी तथा हिमाली भागमा हिमपातको सम्भावना रहेको मौसम पूर्वानुमान महाशाखाले जनाएको छ। राति सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली हुनेछ। 

हिमपात, बाक्लो हुस्सु तथा कुहिरोले जनजीवन, स्वास्थ्य, सडक तथा हवाई यातायात प्रभावित हुनसक्ने भन्दै सतर्कता अपनाउन महाशाखाको आग्रह छ।