एनपीएल: पहिलो क्वालिफायरमा सुदूरपश्चिम र विराटनगर भिड्दै

काठमाडौँ–  दोस्रो संस्करणको नेपाल प्रिमियर लिग (एनपीएल) मा मंगलबार पहिलो क्वालिफायर खेल हुँदै छ।

त्रिवि अन्तर्राष्ट्रिय क्रिकेट रंगशाला अपराह्न ४ बजे हुने खेलमा सुदूरपश्चिम रोयल्स र विराटनगर किंस प्रतिस्पर्धा गर्नेछन्। सुदूरपश्चिम अंक तालिकाको शीर्ष र विराटनगर दोस्रो स्थानमा रहेर पहिलो क्वालिफायर खेल्न लागेका हुन्।

सुदूरपश्चिमले लिग चरणका सात खेलमध्ये ६ र विराटनगरले सातमध्ये पाँच खेल जितेको थियो। सुदूरपश्चिमले विराटनगरसँग मात्रै लिग चरणमा पराजय भोग्नुपरेको थियो। विराटनगर भने चितवन र लुम्बिनीसँग पराजित भएको हो।

आज जित्ने टोली सिधै फाइनल पुग्नेछ। पराजित टोलीले इलिमिनेटर खेल्ने मौका पाउनेछ।