चितवनमा जिप दुर्घटना: १ जनाको मृत्यु, २ घाइते

मुग्लिन– चितवनको इच्छाकामना गाउँपालिका–२ हपनीमा जिप दुर्घटना हुँदा एक जनाको मृत्यु भएको छ। अन्य दुई जना घाइते भएका छन्।

जिल्ला प्रहरी कार्यालयका प्रवक्ता रवीन्द्र खनालका अनुसार फिस्लिङबाट हपनीतर्फ गइरहेको जिप मंगलबार साँझ दुर्घटना हुँदा हपनीका ८० वर्षीय वीरबहादुर प्रजाको मृत्यु भएको हो।

दुर्घटनामा सोही स्थानका  कर्णबहादुर प्रजा र विष्णु प्रजा घाइते भएका छन्। घाइते दुवैलाई उपचारार्थ भरतपुर पठाइएको छ। जिपमा चालकसहित चार जना सवार थिए।  चालक विकास प्रजालाई प्रहरीले नियन्त्रणमा लिएको छ।