एमाले महाधिवेशन मंसिर २७–२९ मा गर्ने प्रस्ताव

काठमाडौँ– नेकपा एमालेका अध्यक्ष केपी शर्मा ओलीले पार्टीको ११औँ महाधिवेशन आगामी मंसिर २७, २८ र २९ गते गर्ने प्रस्ताव परेका छन्। 

ललितपुर भनिमण्डलस्थित रामबाग महलमा बुधबार शुरू भएको केन्द्रीय कमिटी बैठकमा अध्यक्ष ओलीले महाधिवेशनको मिति र स्थान प्रस्ताव गरेका हुन्। 

बैठकले महाधिवेशनको मिति औपचारिक रूपमा टुंगो लगाउने छ। यही असोज २४ र २६ गते बसेको सचिवालय बैठकले मंसिर अन्तिम साता पार्टीको महाधिवेशन गर्ने निर्णय गरेको थियो। 

जेन–जी आन्दोलनपछि विकसित राजनीतिक घटनाक्रम, पार्टी महाधिवेशनलगायत विषयमा टुंगो लगाउन एमालेले बैठक बसेको हो।