लुटपाटमा संलग्न धमाधम पक्राउ पर्दै, बौद्धबाट ३३ लाखभन्दा बढी बरामद

काठमाडौँ– काठमाडौँसहित देशका विभिन्न स्थानमा लुटपाट, आगजनी र विध्वंसात्मक गतिविधिमा संलग्न २७ जना पक्राउ परेका छन्।

काठमाडौँको गौशाला–चाबहिल–बौद्ध क्षेत्रबाट ३३ लाख ७० हजार रुपैयाँ नगद बरामद गरिएको सेनाले जनाएको छ।

त्यसैगरी, काठमाडौँका विभिन्न स्थानबाट २३ थान र पोखराबाट ८ थान गरी विभिन्न प्रकारका ३१ नाल हतियार बरामद भएका छन्। बरामद हतियारसँगै म्यागजिन र गोलीगठ्ठासमेत प्रहरीले नियन्त्रणमा लिएको छ।

यसबीचमा २३ जना नेपाल प्रहरी र ३ जना गैरसैनिक घाइते भएका छन्। सैनिक अस्पतालमा उनीहरूको उपचार भइरहेको सेनाले जनाएको छ।