कोशी, बागमती र गण्डकीमा भारी वर्षाको सम्भावना

काठमाडौँ– मनसुनको न्यूनचापीय रेखा पश्चिममा सरदरभन्दा दक्षिण र पूर्वमा सरदर स्थान आसपास रहेको मौसम पूर्वानुमान महाशाखाले जनाएको छ।

दिउँसो कोशी, मधेश प्रदेशलगायत देशका पहाडी भूभागमा साधारणतया बदली र बाँकी भूभागमा आंशिक बदली रहनेछ। 

देशभरका पहाडी भूभागमा मध्यम वर्षाको सम्भावना छ। कोशी, बागमती र गण्डकीका पहाडी भूभागका एक–दुई स्थानमा भने भारी वर्षा हुने महाशाखाले जनाएको छ।

राति देशभर साधारणतया बदली रहनेछ। कोशी, बागमती र गण्डकीका पहाडी भूभागका केही स्थानमा मध्यम वर्षा हुनेछ। कोशी, बागमती र गण्डकीका पहाडी भूभागमा भारी वर्षाको सम्भावना छ।