तोलामा २ हजार ३०० रुपैयाँले बढ्यो सुन

काठमाडौँ– नेपाली बजारमा शुक्रबारको तुलनामा आज सुनचाँदीको मूल्य बढेको छ। सुनको मोल तोलामा २ हजार ३०० र चाँदीमा ४० रुपैयाँले बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९७ हजार ५०० रुपैयाँ निर्धारण भएको छ। त्यति नै परिमाणको चाँदी २ हजार ३५० रुपैयाँमा खरिदबिक्री भइरहेको छ। 

शुक्रबार प्रतितोला १ लाख ९५ हजार २०० रुपैयाँमा किनबेच भएको थियो। त्यति नै परिमाणको चाँदी २ हजार ३१० रुपैयाँमा किनबेच भएको थियो। 

अन्तर्राष्ट्रिय सञ्चारमाध्यमका अनुसार प्रतिऔँस सुन ३ हजार ३७२ अमेरिकी डलरमा कारोबार भइरहेको छ।