तोलामा १ हजार ३०० रुपैयाँ बढ्यो सुन

काठमाडौँ– नेपाली बजारमा सुनचाँदीको मूल्यमा सामान्य वृद्धि भएको छ।

नेपाल सुनचाँदी व्यवसायी महासंघका अनुसार सुनको मूल्य प्रतितोला १ लाख ९४ हजार ८०० रुपैयाँ निर्धारण भएको छ। त्यति नै परिमाणको चाँदी २ हजार २९० रुपैयाँ तोकिएको छ। 

बुधबार एक तोला सुन १ लाख ९३ हजार ५०० रुपैयाँमा किनबेच भएको थियो। त्यति नै परिमाणको चाँदीको मूल्य २ हजार २५५ रुपैयाँ रहेको थियो। 

अन्तर्राष्ट्रिय सञ्चारमाध्यमका अनुसार प्रतिऔँस सुन तीन हजार ३३८ अमेरिकी डलरमा कारोबार भइरहेको छ।