यस्तो छ बिहीबारको मौसम पूर्वानुमान

काठमाडौँ– देशभर मनसुनी वायुको प्रभाव रहेको बताएको छ। साथै मनसुनको न्यूनचापीय रेखा पनि सरदर स्थान आसपास नै रहेको मौसम पूर्वानुमान महाशाखाले जनाएको छ।

दिउँसो लुम्बिनी र सुदूरपश्चिमका पहाडी र तराई भूभागमा साधारणतया बदली हुनेछ। सुदूरपश्चिमसहित पहाडी भूभागका केही र लुम्बिनी प्रदेशका तराईका एक–दुई स्थानमा मेघगर्जन र चट्याङसहित वर्षाको सम्भावना छ।

राति कोशी, मधेश र सुदूरपश्चिमका पहाडी भूभागमा साधारणतया बदली रही तराई भूभागमा आंशिक बदली हुनेछ। मधेश र सुदूरपश्चिमसहित पहाडी भेगका भूभागमा मेघगर्जन र चट्याङसहित मध्यम वर्षा हुने महाशाखाले जनाएको छ।