यस्तो रहनेछ बुधबारको मौसम

काठमाडौँ– देशभर मनसुनी वायुको प्रभाव रहेको छ। मनसुनको न्यूनचापीय रेखा सरदर स्थान आसपासमा अवस्थित छ।

जसको प्रभावले बागमती, गण्डकी, कर्णाली र सुदूरपश्चिममा साधारणतया बदली रही बाँकी प्रदेशमा आंशिक बदली रहेको छ।  

दिउँसो देशभर साधारणतया बदली रहने मौसम पूर्वानुमान महाशाखाले जनाएको छ। पहाडी भूभागका धेरै तथा तराई भूभागका थोरै स्थानमा मेघगर्जन र चट्याङसहित मध्यम वर्षाको सम्भावना रहेको छ। 

राति पहाडी भूभागमा साधारणतया बदली रही तराई भूभागमा आंशिक बदली रहनेछ। पहाडी भूभागका थोरै तथा तराईका एक‍-दुई स्थानमा मेघगर्जन र चट्याङसहित मध्यम वर्षा हुनेछ। गण्डकीका एक-दुई स्थानमा भारी वर्षाको पनि सम्भावना रहेको महाशाखाले जनाएको छ।।