सरकारलाई दिएको समर्थन फिर्ता लिने जसपा नेपालको निर्णय

काठमाडौँ– जनता समाजवादी पार्टी (जसपा) नेपालले सरकारलाई दिएको समर्थन फिर्ता लिने निर्णय गरेको छ। सो पार्टीको संसदीय दलको कार्यालय सिंहदरबारमा बुधबार बसेको बैठकले समर्थन फिर्ता लिने निर्णय गरेको हो।

"जनताका तमाम अपेक्षाको सम्बोधन हुन नसकेकाले वर्तमान सरकारलाई पार्टीले गर्दै आएको समर्थनको कुनै औचित्य एवं अर्थ नरहेकाले उक्त समर्थन फिर्ता लिई अब उप्रान्त विपक्षमा बस्ने निर्णय गरियो," बैठकपछि जारी विज्ञप्तिमा भनिएको छ।

सरकारले सुशासनको प्रत्याभूति गराउन नसकेको, मुलुकको अर्थतन्त्रलाई सुधार गरी आर्थिक विकासको गतिलाई अगाडी बढाउन नसकेको, संघीयताको प्रभावकारी कार्यान्वयन नभएको जनाएको छ।

उपेन्द्र यादव नेतृत्वको जसपा नेपालबाट प्रतिनिधिसभामा ५ जना र राष्ट्रियसभामा ३ जना सांसद रहेका छन्।