पाल्पामा मनाइयो भगवती जात्रा

पाल्पामा ऐतिहासिक भगवती जात्राको रथयात्रा निकालिएको छ। नेपालले अंग्रेज सेनालाई युद्धमा पराजित गरी विजय हासिल गरेको खुसीयालीमा बिहीबार पाल्पामा विजयोत्सवस्वरूप भगवती जात्रा निकालिएको हो। नेपाली सेनाले सलामी दिएर तीनपटक मन्दिर परिक्रमा गराएपछि भगवती जात्रा रथयात्रा निकालिएको हो। भगवती जात्रालाई सिन्दूर जात्राका नामले पनि चिनिन्छ। विद्यालय एवं विभिन्न संघसंस्थाको उपस्थितिमा निकालिने भगवती जात्रा रथयात्रालाई भजनकीर्तन, पञ्चेबाजा, लाखेनाच, विभिन्न सांस्कृतिक झाँकीसहित तानसेन नगर परिक्रमा गराएर पुनः भगवतीको मन्दिरमा लगी विसर्जन गरिन्छ गरिन्छ। विजयोत्सव जात्रामा पाल्पाका साथै गुल्मी, अर्घाखाँची, कपिलवस्तु, नवलपरासी, चितवन, स्याङ्जा, कास्कीलगायत क्षेत्रबाट निकै उत्साहका साथ अवलोकनका निम्ति आउने गरेको पाइन्छ। तस्वीर: मनिष अर्याल

उकालो