तोलामा ५ हजार रुपैयाँले बढ्यो सुनको मूल्य

काठमाडौँ– अन्तर्राष्ट्रिय बजारमा सुनको मूल्य बढेसँगै त्यसको प्रभाव स्थानीय बजारमा पनि परेको छ। 

विगत तीन दिनदेखि  स्थिर रहेको सुनको मूल्य तोलामा ५ हजार रुपैयाँले वृद्धि भएको हो। यस्तै, चाँदी पनि तोलामा ५० रुपैयाँले बढेको नेपाल सुनचाँदी व्यवसायी महासंघले जनाएको छ। 

नेपाली बजारमा बुधबार छापावाल सुनको मूल्य १ लाख ८९ हजार ८०० रुपैयाँ कायम भएको छ। चाँदी १ हजार ९९० रुपैयाँ रहेको छ।

अन्तर्राष्ट्रिय बजारमा आज प्रतिऔँस सुन ३ हजार ३२१ डलरमा कारोबार भइरहेको छ।