देशका विभन्न भागमा मेघगर्जनसहित चट्याङको सम्भावना

काठमाडाैँ– हाल देशमा पश्चिमी वायु तथा स्थानीय वायुको प्रभाव रहेको माैसम पूर्वानुमान महाशाखाले जनाएको छ। साथै बंगालको खाडी र अरब सागरबाट आएको जलवाष्पयुक्त हावाको समेत आंशिक प्रभावले गर्दा विभिन्न भागमा पानी परिरहेको छ। काठमाडाैँ उपत्यकामा बादल लागेको छ।

सोमबार दिउँसो कोशी, मधेश, बागमती, गण्डकी र लुम्बिनी प्रदेशलगायत बाँकी प्रदेशको पहाडी भूभागमा आंशिकदेखि साधारणतया बदली रहनेछ। साथै, यी भूभागमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ। देशका उच्चपहाडी तथा हिमाली भेगका थोरै स्थानहरूमा हल्का वर्षाका साथै हिमपातको समेत सम्भावना रहेको छ। मधेशलगायत कोशी, बागमती, गण्डकी, लुम्बिनी र सुदुरपश्चिम प्रदेशको तराई भेगका केही स्थानमा हावाहुरीको पनि सम्भावना रहेको छ।

यस्तै, राति कोशी, मधेश, बागमती, गण्डकी र लुम्बिनी प्रदेशलगायत पहाडी भूभागका थोरै स्थानहरूमा र बाँकी भूभागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ।